Blòg'Òc - Lo blòg dau Diggi

Aller au contenu | Aller au menu | Aller à la recherche

dimanche 18 janvier 2009

Comunicat de premsa - Iniciativa per Occitània

La posicion d'Iniciativa per Occitània subre Palestina e Israèl

A l'escasença dels dramas actuals de Gaza e Sderoth, Iniciativa Per Occitània vòl centrar l'atencion del public sus qualques veritats elementàrias.

Lire la suite

Comunicat de premsa - Iniciativa per Occitània

Lo discors public mai lòng dau mond es dins una lenga minoritària (en França)!

Lo laboratòri politic, culturau e sociau Iniciativa per Occitània benastruga lo catalan Lluís Colet per sa proesa : dau diluns 12 de genier, 10 oras, fins au dissabte 17 de genier, 14 oras, dins un restaurant de la gara de Perpinhan, faguèt un discors public ininterromput en catalan per celebrar sa lenga, mespresada per la politica lingüistica repressiva de l'estat francés que li refusa per ideologia nacionalista tota proteccion eficaça. Lluís Colet ganhèt ansin lo recòrd mondiau dau discors mai lòng.

Lire la suite

vendredi 16 janvier 2009

Comunicat de premsa - Iniciativa per Occitània

La paralisi de l’ivèrn es inadmissibla

Iniciativa per Occitània, lo laboratòri politic, culturau e sociau, denóncia lei blocatges dei transpòrts, dei malhums electrics e dei sistèmas de caufatge qu’an afectat lo nòstre país dempuei decembre e genier. Lei regions d’Occitània an subit un marrit tractament e una negligéncia inadmissibla a causa de l’incompeténcia de l’estat francés.

Lire la suite

mercredi 14 janvier 2009

Création d' Alliance Gauche(Esquerra) Républicaine Occitane

Estapa pel gp.Òc. Annonciacion: festa nacionala d'Òc 25 de març.

Lire la suite

mercredi 7 janvier 2009

Sinagògas de Tolosa e de Tolon: non a l'antisemitisme!

Lo laboratòri politic, cultural e social occitan Iniciativa Per Occitània condemna energicament los atemptats comeses amb de veituras en fuòc contra de sinagògas a Tolosa e a Tolon.

Lire la suite

vendredi 7 novembre 2008

Comunicat de la Coordinacion dels ensenhaires d’occitan de l’Ensenhament superior (UFR e IUFM)

recampats a Tolosa 56 Carrièira del Taur lo 7 de novembre 2008.

LENGAS REGIONALAS : PER UNA FORMACION E UN RECRUTAMENT ADEQÜATS DELS ENSENHAIRES

Lire la suite

lundi 30 juin 2008

Comunicat de premsa - Iniciativa per Occitània

Occitan : crida a la desobesissença civila!

L'estat francés contunha de reprimir lei lengas de sei minoritats nacionalas, coma o mòstra son refús obstinat de lei reconéisser e de lor tornar bailar sa dignitat dins la societat.

Lire la suite

jeudi 26 juin 2008

Comunicat de premsa - Iniciativa per Occitània

Temps de trabalh europèu: non a las 65 oras!

Lire la suite

jeudi 22 mai 2008

Comunicat de premsa - Iniciativa per Occitània

Lei lengas "regionalas" dins la constitucion francesa: una primiera victòria

Lire la suite

dimanche 20 janvier 2008

Comunicat de prensa - Partit de la Nacion Occitana

Cal lèu fach un debat vertadièr subre las lengas regionalas al Parlament

Lire la suite

COMUNICAT IEO

A tots los militants de l’IEO

Lire la suite

vendredi 7 septembre 2007

L'occitan e son ensenhament



Son 46 escòlas Calandretas ( Escòlas associativas occitanas) que vènon de drubir lors pòrtas aquest an escolari de 2007 – 2008, siá quicòm coma 2400 escolans. Eron pas que 27 calandretas per 1400 escolans en 1997. De chifras qu’an gaireben doblats en 10 ans. De segur aquò es maigrinèl rapòrt als milhons de joves qu’abitan lo país occitan e qu’an pas la crespina d’èsser « calandrons » e que seguisson l’ensenhament public tradicional. Se las Calandretas son una capitada, es que fan responsa a un besonh e donc a una deficiença de l’ensenhament francès.

L’astre qu’es fach a las lengas regionalas reven a un genocide cultural. Son eissubliadas au profiech del solet aprentissatge de l’anglès. Venem d’aprène que dins Gard, l’anglès fa sa dintrada tre lo CE2 e de còps que i a tre lo CE1. Es causit per 95 % dels escolans (Midi Libre 4/9/07)

Avem pas ren contra la lenga de Shakespeare, mai nos podem demandar de que vai donar aquel monopòli de l’anglès.
Es que nos deuriam pas orientar,al contrari, vers un vertadier multilenguisme onte d’autras lengas coma l’italian o l’espanhòu per exemple aurián lor plaça a costat de l’anglès ?

Es-ti que l’aprentissatge d’una lenga estrangiera es incompatible ambe l’iniciacion a la lenga occitana qu’es lenga de proximitat ? Nostres enfants ié trobarián racinas, dignitat e fiertat. Sabem pron qu’un aubre balha de bela fruchas soncament s’a de bonas racinas. Si que de non auriam que de cultura fòra terra e de fruchas fadassas.

Perdequé s’entestardir dins la dralha de l’escòla de Jules Ferry qu’a fach son temps ?
Quora una decentralisacion de l’ensenhament duberta sus lo monde que nos environa e que plaçarà l’enfant dins son mitan lenguistic natural ?

Per lo Govern Provisori Occitan,
Son Menistre de l’Educacion e de la cultura
J. Ressaire, lo 7 de setembre de 2007