Blòg'Òc - Lo blòg dau Diggi

Aller au contenu | Aller au menu | Aller à la recherche

mardi 25 septembre 2007

Un diccionàri a cada colegian de 6au per lo Consèlh Generau deu Gèrs

Lo Consèlh Generau deu Gèrs qu'auherish un diccionàri a cada colegian qui entra en 6au dihens lo Gèrs. Vaqui la cobèrta (colegia ne ecò ciutadan). Dihens lo diccionàri que i a ua dobla pagina sus l'occitan dihens lo Gèrs....

http://provencou.online.fr/blog/images/dico32.jpg

vendredi 7 septembre 2007

L'occitan e son ensenhament



Son 46 escòlas Calandretas ( Escòlas associativas occitanas) que vènon de drubir lors pòrtas aquest an escolari de 2007 – 2008, siá quicòm coma 2400 escolans. Eron pas que 27 calandretas per 1400 escolans en 1997. De chifras qu’an gaireben doblats en 10 ans. De segur aquò es maigrinèl rapòrt als milhons de joves qu’abitan lo país occitan e qu’an pas la crespina d’èsser « calandrons » e que seguisson l’ensenhament public tradicional. Se las Calandretas son una capitada, es que fan responsa a un besonh e donc a una deficiença de l’ensenhament francès.

L’astre qu’es fach a las lengas regionalas reven a un genocide cultural. Son eissubliadas au profiech del solet aprentissatge de l’anglès. Venem d’aprène que dins Gard, l’anglès fa sa dintrada tre lo CE2 e de còps que i a tre lo CE1. Es causit per 95 % dels escolans (Midi Libre 4/9/07)

Avem pas ren contra la lenga de Shakespeare, mai nos podem demandar de que vai donar aquel monopòli de l’anglès.
Es que nos deuriam pas orientar,al contrari, vers un vertadier multilenguisme onte d’autras lengas coma l’italian o l’espanhòu per exemple aurián lor plaça a costat de l’anglès ?

Es-ti que l’aprentissatge d’una lenga estrangiera es incompatible ambe l’iniciacion a la lenga occitana qu’es lenga de proximitat ? Nostres enfants ié trobarián racinas, dignitat e fiertat. Sabem pron qu’un aubre balha de bela fruchas soncament s’a de bonas racinas. Si que de non auriam que de cultura fòra terra e de fruchas fadassas.

Perdequé s’entestardir dins la dralha de l’escòla de Jules Ferry qu’a fach son temps ?
Quora una decentralisacion de l’ensenhament duberta sus lo monde que nos environa e que plaçarà l’enfant dins son mitan lenguistic natural ?

Per lo Govern Provisori Occitan,
Son Menistre de l’Educacion e de la cultura
J. Ressaire, lo 7 de setembre de 2007