Comunicat de premsa - Iniciativa per Occitània
Par Diggi, lundi 30 juin 2008 à 20:56 :: Revue de presse :: #64 :: rss
Occitan : crida a la desobesissença civila!
L'estat francés contunha de reprimir lei lengas de sei minoritats nacionalas, coma o mòstra son refús obstinat de lei reconéisser e de lor tornar bailar sa dignitat dins la societat.
L'estat francés contunha de reprimir lei lengas de sei minoritats nacionalas, coma o mòstra son refús obstinat de lei reconéisser e de lor tornar bailar sa dignitat dins la societat.
Pasmens, quauquei votz se fan ausir per protestar còntra la repression
lingüistica francesa. En junh de 2003, lo deputat centrista Joan Lasala cantèt
dins una sesilla de l'Assemblada nacionala l'imne occitan « Se canta ». Lo 7 de
mai de 2008, un autre deputat, Daniel Mach (UMP), diguèt quauquei mots en
catalan pendent lo debat subre la reconeissença dei lengas minorizadas. A
Perpinhan, lo conselhier municipau Enric Vilanova (Esquerra Republicana de
Catalunya) pren sempre la paraula en lenga catalana, maugrat lei protèstas.
En Alsàcia, lo conselhier generau Denis Lieb (grop deis independents,
ecologistas e regionalistas) de Buckenum (« Sarre-Union ») ven d'anonciar que
s'exprimiriá d'ara endavant en public solament en alsacian, per denonciar lo
vòte dei senators francés còntra la reconeissença dei lengas minorizadas.
A Iniciativa per Occitània grandmercejam aqueleis elegits per aver levat lo tabó dei lengas dei minoritats nacionalas dins la vida publica, mai pensam que cau anar mai luenh dins la desobesissença civila a l'opression francesa. Cridam totei leis elegits d'Occitània a prene la paraula en public en occitan. Pus generalament, cridam totei leis occitans e occitanas qu'an recuperat sa lenga o l'an pas perduda a s'exprimir en tota escasença e particularament dins leis espacis publics en occitan. Ais atacas repetidas de l'estat francés còntra nòstra lenga e nòstra cultura, condemnadas a un espaci privat de mai en mai estransinat, quina es la melhora respònsa? Parlar occitan, aprene l'occitan, faire saber en occitan que volèm viure en Occitània amb nòstra lenga!
FREE OCCITÀNIA!
Lo 29 de junh de 2008,
Iniciativa per Occitània
sit: http://www.iniciativaoc.org
grop de discussion: http://es.groups.yahoo.com/group/iniciativa-per-occitania/
A Iniciativa per Occitània grandmercejam aqueleis elegits per aver levat lo tabó dei lengas dei minoritats nacionalas dins la vida publica, mai pensam que cau anar mai luenh dins la desobesissença civila a l'opression francesa. Cridam totei leis elegits d'Occitània a prene la paraula en public en occitan. Pus generalament, cridam totei leis occitans e occitanas qu'an recuperat sa lenga o l'an pas perduda a s'exprimir en tota escasença e particularament dins leis espacis publics en occitan. Ais atacas repetidas de l'estat francés còntra nòstra lenga e nòstra cultura, condemnadas a un espaci privat de mai en mai estransinat, quina es la melhora respònsa? Parlar occitan, aprene l'occitan, faire saber en occitan que volèm viure en Occitània amb nòstra lenga!
FREE OCCITÀNIA!
Lo 29 de junh de 2008,
Iniciativa per Occitània
sit: http://www.iniciativaoc.org
grop de discussion: http://es.groups.yahoo.com/group/iniciativa-per-occitania/
Commentaires
Aucun commentaire pour le moment.
Ajouter un commentaire
Les commentaires pour ce billet sont fermés.