Blòg'Òc - Lo blòg dau Diggi

Aller au contenu | Aller au menu | Aller à la recherche

lundi 17 décembre 2007

Una idèa originala de present per las fèstas : ofrissetz una carta d’identitat occitana

Decembre de 2007

Aquesir una carta d’identitat occitana es afortir d’un biais simbolic una identitat non reconeguda oficialament. Es d’autant mai necite que maites occitans d’origina o d’adopcion sabon totjorn pas que o son. Dins aquela passa de fèstas, vaquí una idèa segurament originala de present : una carta d’identitat occitana.

Es al meteis temps un acte util que nòstra lenga, lo vector d’aquela identitat, risca a tèrme de s’avalir.
Cal pas comptar sus l’Estat per la manténer e la promòure. Aquò depend de vos.
L’enjòc es tanben nòstre biais de viure que passa per la cosina, los espòrts e plan d’autras singularitats encara, coma nòstre accent.
Ambe la mondializacion que d’un autre costat es un astre, i a un risc d’uniformizacion e de replegament chovinista sus l’apartenéncia a la Republica francesa.
La presa en compte d’una identitat, que siá occitana o autra, es la reconeissença de cadun dins sa particularitat, un marchament indispensable fàcia a la mondializacion.
Aquí dessús s’ensertan los problèmas de l’immigracion e de l’integracion.

Occitània, dempuèi lontemps tèrra de passatge e d’aculhiment, atira per son climat solelhòs e sa doçor de viure los francimands, los ciutadans d’Euròpa del Nòrd, los magrebins, los africans etc. Tot aquel monde an vocacion a venir occitans.
Vaquí perque, Sénher, Dòna, avètz un ròtle important de jogar en parlant de l’identitat occitana als vòstres, a vòstres amics, a vòstra coneguda, a tot lo monde, en los persuadissent de prene la carta d’identitat occitana, non pas per mostrar que nos embarram mas al contrari que aculhissèm.
Se volètz anar mai luènh dins l’afortiment de vòstra identitat occitana, escriguetz nos per recebre un exemplar gratuit de nòstra revista Lo Lugarn.

Per recebre una carta d’identitat occitana sufís de nos mandar lo nom d’ostal, lo pichon nom, la data de naissença e l’adreiça del demandaire, acompanhats o non d’una fotò d’identitat en color e d’un chèc de 11 euròs per carta a l’òrdre de

Lo Lugarn Éditions

A l’adreiça seguenta:
Joan-Pèire Alari / Jean-Pierre Hilaire
10 carrièra de Romàs / 10 rue de Romas
47000 AGEN

Tel. 05 53 47 64 02
Telefonet : 06 76 47 32 12
jean-pierre.hilaire@wanadoo.fr


Joan-Pèire Alari, cap redactor de la revista Lo Lugarn

Carta nacionala d'identitat


dimanche 9 décembre 2007

« Speed Dating » en occitan

samedi 8 décembre 2007 de 14h30 à 16h30 à Orthez Lo Dissabte 8 de decembre de 2007 de 14h30 a 16h30 a Ortés Lenga en Boca
« Speed Dating » en occitan
10 minutes pour faire connaissance avec une personne – et plus si affinités !
10 minutas entà har coneishença dab quauqu’un e mei si afinitats !
Le tout en occitan… Lo tot en occitan…
Plus de renseignements au / Mei d’entresenhas au :
05 59 67 20 75
cfp-occitan@libertysurf.fr
organisé par le / Organizat peu
CFPòc
10, av.Kennedy 64300 Ortès